Səhər.TV—Livan Hizbullahının baş katibi sionist İsrail rejiminin İordan
çayının qərb sahilində daha artıq ərazilərin işğal edilməsi üzrə
səylərinə işarə edərək, bunu Ərəb dünyası və Ərəb Liqasının iclası üçün
bir növ təhqir adlandırıb.
Livan Hizbullahının baş katibi seyid Həsən Nəsrulla Beyrutun cənubunda
Zahiyə məntəqəsində etdiyi çıxışı zamanı "Vətən Günü"nə işarə edərək,
dedi: Bu gün Fələstin və Qüds günlərindəndir. Bu gündə fələstinli
qardaşlarımız istər Fələstində olsun, istərsə də digər ölkələrdə öz
həmrəyliklərini nümayiş etdirmək üçün yürüşlər təşkil edirlər.
Livan Hizbullahının baş katibi daha sonra dedi: İşğalçılar və onlarla
əməkdaşlıq edənlər Fələstin xalqından və bizim xalqımızdan istəyirlər
ki, Fələstini unudaq. Amma, bir çox səbəblərə görə, Fələstin məsələsini
diqqət mərkəzindən yayındıra bilməyəcəklər. Bu amillər arasında ilk
yerdə duran isə müqavimət amilidir ki, Fələstin məsələsini bu günə kimi
gündəmdə saxlayıb. Və bu mövzuya son qoymaq istiqamətindəki bütün
səyləri uğursuzluğa uğradıb. Baxmayaraq ki, bu yolda yüz milyardlarla
dollar vəsait xərclənib.
Seyid Həsən Nəsrulla çıxışının davamında Suriyaya hərbi müdaxilə
ehtimalı haqda dedi: Ötən aylar ərzində Suriyaya hərbi müdaxilə ehtimalı
ciddi təhlükə sayılırdısa, artıq bu məsələ tamamilə öz əhəmiyyətini
itirib və ya ən azı azalıb.
Livan Hizbullahının baş katibi daha sonra dedi: Suriyanın daxili
vəziyyətini nəzərə alaraq, digər ölkələr də öz baxışlarına düzəliş
etdilər və Suriyadakı silahlı müxalifət qruplaşmaları hökuməti devirməyə
qadir deyillər.
Allahun Meselli ela Muhammedin ve Ali Muhammed ve eccul-ferecum