O nədir ki sətir-sətir yoxlanar,
O kimdir ki dabanından oxlanar.
O nədir ki qəlb dolusu qoxlanar,
Lal könlümə həmdəm olar,dost olar.

O nədir ki tanış gələr çoxuna,
Xəyallardan ilmə-ilmə toxunar.
O nədir ki sidq ürəkdən oxuna,
Qəlbə yatan həzin nəğmə,tost olar.

O nədir ki özgəsindən sorulmaz,
O kimdir ki qaçar,qaçar yorulmaz.
Hansı hissdir biz tərəfə burulmaz
Başqaları daim ondan məst olar

O nədir ki işıq saçar,
O nədir ki bilən açar.
Hansı rəqəm noldan qaçar,
Birləşərsə on olacaq.

O nədir şair mədh edər,
O nədir qəlbi məhv edər.
O kimdir bircə səhv edə,
Gənc ömrünə son olacaq.

O kimdir ki əzəl olub,
O nədir şeir,qəzəl olub.
Nədir sonda xəzəl olub,
Sərv əyniniə don olcaq.
 

O nədir ki?,uzandıqca qısalır
Cavabını məktubunda yazarsan.
O nədir ki?,düşən canlar sozalır
Sözlə mənə surətini cızarsan.

O nədir ki?,bircə anlıq dayansa,
Bu dünyadan,arzularla köçərsən.
O nədir ki?,damarında yubansa,
Yarım qalan duyğularla köçərsən.

O nədir ki?,bircə dəfə alanda,
İki dəfə borclanırsan Allaha.
O nədir ki?, tərki iman olanda,
Bizi salır ağıl -almaz iştaha.

O nədir ki?, sürüm-sürüm sürünür,
Doğuandan ölənəcən qalınca.
Hara getsən, səndən əvvəl görünür
Kaş ölməyəm cavabını alınca

 

Meeldib! 2