Совети со помош на кои без грижи ќе уживате во сексот за една ноќ.

1. Размислете со кого ќе имате секс

Избегнувајте го сексот на една ноќ со личност за која проценувате дека после би ви било жал или дека таквата авантура би го нарушила вашиот однос. Во оваа категорија на секс за една вечер спаѓа сексот со поранешниот партнер кој може да го искомплицира вашиот однос или повторно да ве спои. Тука нема ништо лошо доколку емоционално сте ги разрешиле работите меѓу вас, но доколку едната страна е се' уште заљубена, а другата сака секс на брзина конечниот епилог нема да донесе ништо добро.

Бидете доволно искрени па кажете му на екс партнерот што сакате и дека тоа е тоа. Исто така два пати помислете за секс со некои луѓе кои се во вашиот живот како на пример ќерката на пријателите на вашите родители, секс на една вечер со колега/колешка од работа, можеби ќерката на шефот бидејќи со овие личности не може едноставно да исчезнете, а тоа може да ви создаде компликации. Особено доколку вие не сакате ништо повеќе од сексот, а таа личност сама многу повеќе, тогаш ќе имате проблем.

2. Признајте дека сакате само секс на една ноќ и ништо повеќе од тоа

Доколку навистина сакате само секс и ништо повеќе, кажете го тоа без оглед колку ви е „тешко“ бидејќи е вистина. Секако, внимавајте на изборот на зборови и на начинот на кој ќе го кажете тоа за да не се изгуби желбата за сексот. Наместо груб и вулгарен пристап при кој луѓето можеби ќе се почувствуваат како објекти, бидете отворени но на шармантен и позитивен начин.

Разговарајте за сексуални игри, и не зборувајте за врски, поранешни партнери и не зборувајте многу за сопствените карактерни особини. Заборавете на романтиката и свеќите за да не си направите компликации. Исто така мора да бидете внимателни кога ќе ја запознаете таа личност и да процените дали е способна за такво нешто. Доколку неодамна доживеала некакво разочарување или ви се чини за срамежлива, подобро е да размислите два пати дали би се впуштиле во еднократна авантура со неа.

3. Сексот нека биде незаборавен

Кога веќе запознавте некој кој се согласува со вашиот став околу тоа и сака да се впушти со вас во таква авантура, искористете го фактот што таа личност не ве знае вас и начинот на кој практицирате секс. Е, тука е вашиот простор за експериментирање, да ги реализирате најскриените фантазии освен тоа што таквата авантура служи за себедокажување и тест на вашите способности.

Никогаш не и дозволувајте на личност која не ја знаете во секси игрите да ви ги врзе рацете и нозете. И без оглед на полот, секогаш носете си кондоми со себе, за авантурата да не се претвори во ноќна мора!

Meeldib! 5